لما يبقى فى عندك فى بيتك حنفية بايظة
وبتسقط مية بسيطة
وانت من جهلك مااهتمتش
لحد ما الموضوع كبر
والبيت اتبهدل
لدرجة انه أيل للسقوط
فكرت انك تعالج الموضوع
ومن جهلك برده
بقيت تنشف المية اللى موجودة فى البيت
وتتخلص منها
ومفكر انك بكده هتحمى البيت
وانت مش عارف انك بتفخ فى اربة مقطوعة
لان الحنفية لسه بايظة
ولسه بتنزل مية
مع انه كان من العقل انك الاول تصلح الحنفية
شئ بسيط جدا
هتفك الحنفية
هتحط جلدة جديدة
هتركب الحنفية تانى
وبعدين تنشف المية
او تقسم نفسك انت واهل بيتك مجموعة
الاولى تصلح الحنفية
وفى نفس ذات الوقت
مجموعة تنشف المية
علشان يبقى انقاذ البيت اسرع
وده بتفكيرى هو الشئ المنطقى لاصلاح البلد دى
البيت: يبقى بلدنا
الحنفية : تبقى الاسرة
المية: ناتج الجهل التربوى من افراد فاسدين من خلل اخلاقى من مشكل كتيرة بتحصل
جلدة الحنفية: هى الوعى التربوى بتربية الطفل وحقوق الطفل بين قوسين اصلاح الاسرة
تنشيف المية: هى حل المشاكل الحالية
المسئول عن نهضة اى امة او فساد اى امة هما الافراد اللى عايشين فيها
ولما نحب نبنى امة كويسة
لازم نهتم بالافراد اللى هيبنوها
الاساس اللى هتقوم عليه الامة
الطفل يعنى
لانه هو اللى هيبنى وهيصلح وهيشتغل
هو العالم والمفكر والدكتور والحرفى
هو مستقبلنا
اى عقل ده يخلينا سايبين اطفالنا كده
الوعى التربوى مش قاصر على الاسرة بس
الطفل مش عايش مع اسرته وبس
فى مجتمع بياثر فيه
انت كفرد مش بتعرف ازاى تتعامل مع الطفل مش بتعرف تحسسه بقيمته مش بتعرف تسيب اثر جواه
يمكن لانك مش عارف قد اية هو غالى
**************************
ماعدش عندى حاجة اقولها
مش ناوى تشترى حاجة خالص ولا اية
مقالاتك جميلة جدا
ردحذفوفعلا عجبانى
وبجد اتمنى ان مدونتك تشتهر كمان علشان الناس تقرا الكلام الجميل ده